• Shan Siva
• 18 Apr, 2025

கோலாலம்பூர், ஏப்ரல் 18: நாடு முழுவதும் உள்ள வனப் பகுதிகள், தேசிய மற்றும் மாநில பூங்காக்கள், கடல் பூங்காக்கள் மற்றும் புவியியல் பாரம்பரிய தளங்களில் ஒருமுறை மட்டுமே பயன்படுத்தக்கூடிய பிளாஸ்டிக் பைகளைப் பயன்படுத்துவது தடைசெய்யப்படுவதாகத் தெரிவிக்கப்பட்டுள்ளது.

இயற்கை வளங்கள் மற்றும் சுற்றுச்சூழல் நிலைத்தன்மை அமைச்சர் நிக் நஸ்மி நிக் அஹ்மத், தலைமையில் நடைபெற்ற சுற்றுச்சூழல் அமைச்சர்கள் மற்றும் மாநில நிர்வாக கவுன்சிலர்களின் இந்த ஆண்டு முதல் கூட்டத்திற்குப் பிறகு இந்த முடிவு எடுக்கப்பட்டது என்று நிக் நஸ்மி கூறினார்.

பல்பொருள் அங்காடிகள், பெட்ரோல் நிலையங்களில் உள்ள கடைகள், துரித உணவு சங்கிலிகள், மருந்தக விற்பனை நிலையங்கள் மற்றும் பிற தொடர்புடைய வணிகங்கள் போன்ற நிரந்தர வணிக வளாகங்களிலும் இந்தத் தடை அமல்படுத்தப்படும் என்று அவர் சுட்டிக்காட்டினார்.

இருப்பினும், தனிப்பட்ட மாநிலங்களின் திறன் மற்றும் தயார்நிலைக்கு ஏற்ப செயல்படுத்தும் முறைகள் மேம்படுத்தப்பட்டு மாற்றியமைக்கப்படும் என்று நிக் நஸ்மி கூறினார்.

எதிர்கால சந்ததியினரின் நல்வாழ்வுக்காக சுற்றுச்சூழலுக்கு உகந்த பொருட்களைப் பயன்படுத்துவதன் முக்கியத்துவம் குறித்து பொதுமக்களுக்கு உணர்த்துவதே இந்த முயற்சியின் நோக்கம் என்று அவர் இன்று ஓர் அறிக்கையில் தெரிவித்தார்.

சட்டவிரோத மின்-கழிவு பதப்படுத்தும் நடவடிக்கைகளை எதிர்த்துப் போராடுவதற்கு மத்திய மற்றும் மாநில அரசுகளின் ஒத்துழைப்பு வலுப்படுத்தப்படும் என்றும் நிக் நஸ்மி கூறினார்.

அந்தந்த மாநிலங்களில் உரிமம் பெறாத மின்-கழிவு செயலாக்கத்தில் ஈடுபடும் சட்டவிரோத வளாகங்களுக்கு எதிராக கடுமையான அமலாக்க நடவடிக்கை எடுக்கப்படும் என்று அவர் கூறினார், இந்த நடவடிக்கை அமலாக்கத்தில் ரரசு சமரசம் செய்யாது என்று அவர் கூறினார்.

மலேசியா முழுவதும் 200க்கும் மேற்பட்ட சட்டவிரோத மின்-கழிவு மறுசுழற்சி வசதிகள் இயங்குவதாகவும், அவற்றில் பல ராவாங் மற்றும் உலு சிலாங்கூரில் பதிவாகியுள்ளதாகவும் தெரிவிக்கப்பட்டுள்ளது!

Penggunaan beg plastik sekali guna di hutan, taman negara, taman marin dan tapak warisan geologi diharamkan. Larangan ini turut dikuatkuasakan di premis kekal seperti pasar raya dan stesen minyak. Ia bertujuan melindungi alam sekitar dan generasi akan datang.