• Shan Siva
• 03 Oct, 2024

கோலாலம்பூர், அக் 3 : சிலாங்கூர் ஆட்சியாளர் சுல்தான் ஷராபுதீன் இட்ரிஸ் ஷா மற்றும் ஜொகூர் ஆட்சியாளர் இஸ்மாயில் சுல்தான் இஸ்கந்தார் இருவரும், கால்பந்து போட்டியை மைதானத்தில் நடத்த வேண்டும் என அழைப்பு விடுத்துள்ளனர்.

சிலாங்கூர் சுல்தான் மற்றும் ஜொகூர் ரீஜென்ட் இருவரும் மக்கள் மத்தியில் ஒற்றுமை, மலேசியாவில் தொழில் நெறி  மற்றும் நாட்டின் அடையாளமாக பணியாற்ற ஒரு ஒருங்கிணைந்த அரச நிறுவனத்தின் முக்கியத்துவம் குறித்து தங்கள் எண்ணங்களைப் பகிர்ந்து கொண்டனர்.

சுல்தான் ஷராஃபுதீன் சிலாங்கூர் கால்பந்து அணியின் (FC) புரவலர் ஆவார். அதே சமயம் துங்கு இஸ்மாயில் ஜொகூர் டாருல் தாசிம் (JDT) கால்பந்து டணியின் உரிமையாளராக உள்ளார்.

கடந்த  ஜூன் மாதம் மலேசிய கால்பந்து லீக் சிலாங்கூர் எஃப்சிக்கு RM100,000  அபராதம் விதித்தது மற்றும் JDTக்கு எதிரான அறக்கட்டளைப் போட்டியில் இருந்து விலகியதற்காக மூன்று புள்ளிகளைக் கழித்த சம்பவத்தில் இரு அணிகளும் பதற்றத்தில் சிக்கின.

இந்நிலையில், மே 5 அன்று சிலாங்கூர் கால்பந்து அணியின் பைசல் ஹலீம் மீது ஆசிட் வீச்சு உட்பட மலேசிய கால்பந்து வீரர்கள் சம்பந்தப்பட்ட பல சம்பவங்களைக் கருத்தில் கொண்டு  போட்டியில்  இருந்து விலக முடிவு செய்யப்பட்டது.

சுல்தான் ஷராஃபுதீன் ஆரம்பத் தண்டனைகள் அதிகப்படியான மற்றும் நியாயமற்றவை என்று விமர்சித்தார். இதன் வழி MFL இறுதியில் அபராதத்தை RM60,000 ஆகக் குறைத்து புள்ளிக் கழிவைத் தள்ளுபடி செய்தது.

இருப்பினும், இதைத் தொடர்ந்து துங்கு இஸ்மாயில் MFL இன் முடிவை கடுமையாகச் சாடியிருந்தார்!