• Shan Siva
• 03 May, 2025

 பாங்காக், மே 3: மலேசியாவும் தாய்லாந்தும் இந்த ஆண்டு கோலாலம்பூர் மற்றும் பாங்காக் இடையே நேரடி ரயில் சேவையை மீண்டும் தொடங்க திட்டமிட்டுள்ளதாக போக்குவரத்து அமைச்சர் லோக் சியூ ஃபூக் தெரிவித்தார்.

கோலாலம்பூர்-பாங்காக் ரயில் நடவடிக்கைகளைத் தொடங்குவதற்கான ஆரம்பக்கட்டத் தயாரிப்புகளை மேற்கொள்ள கேடிஎம் மற்றும் தாய்லாந்து ரயில்வேக்கு மூன்று மாதங்கள் அவகாசம் வழங்கப்பட்டுள்ளது என்று தாய்லாந்து தலைநகர் பயணத்தின் போது அவர் கூறினார்.

இதற்கு புதிய பாதை தேவையில்லை என்றும், ஆனால் இரு நாடுகளுக்கும் இடையே ஒருங்கிணைப்பு, கூட்டு சந்தைப்படுத்தல் மற்றும் கூட்டுறவு டிக்கெட்டுகள் தேவை என்றும் அவர் கூறினார்.

தனது பயணத்தின் போது, ​​பாங்காக்கில் உள்ள பேங் சூ மத்திய முனையத்தை லோக் பார்வையிட்டார் மற்றும் தாய்லாந்தின் அதிவேக ரயில் சேவைகள் குறித்த விளக்கத்தைப் பெற்றார்.

சுங்கை கோலோக்கிலிருந்து கிளந்தானில் உள்ள ரந்தாவ் பஞ்சாங் மற்றும் பாசிர் மாஸ் வரை ரயில் சேவைகளை நீட்டிக்க தாய்லாந்து அதிகாரிகள் முன்மொழிந்துள்ளதாகவும், இது உள்ளூர் பொருளாதாரங்களை மேம்படுத்தவும், எல்லைப் பகுதியில் வாழ்வாதாரத்தை மேம்படுத்தவும் உதவும் என்றும் லோக் கூறினார்.

ரயில் இணைப்பை மீண்டும் தொடங்குவதற்குத் தங்களுக்கு நேரம் தேவைப்படும் என்றும்,ரந்தாவ் பஞ்சாங் மற்றும் சுங்கை கோலோக்கில் நீண்ட காலமாகப் பயன்படுத்தப்படாத ரயில் பாதைகளில் தண்டவாள மறுசீரமைப்பு பணிகள் தேவைப்படுவதாகவும் அவர் மேலும் கூறினார்!

Malaysia dan Thailand merancang untuk memulakan semula perkhidmatan kereta api terus antara Kuala Lumpur dan Bangkok tahun ini. KTMB dan SRT diberi tiga bulan untuk persiapan awal. Laluan lama akan dibaik pulih tanpa binaan laluan baharu.