• Shan Siva
• 12 Oct, 2024

கோலாலம்பூர், அக் 12: மஸ்ஜித் தனாவில் நேற்று  ஆக்கிரமிப்பு மீன் இனங்களைப் பிடிக்கும் நடவடிக்கையின் போது அராபெய்மா வகை ராட்சஷ மீன்களால் தாக்கப்பட்டதில் ஆறு மீன்பிடி  ஊழியர்கள் காயமடைந்தனர்.

மூன்று பேரின் முழங்கால்கள் மற்றும் மார்பில் சிறிய காயங்கள் ஏற்பட்டதாகவும், மற்றவர்களுக்கு தலையில் அடிபட்டதால் மூச்சுத் திணறல் மற்றும் முழங்கால்களில் வீக்கம் ஏற்பட்டதாகவும் மீன்வளத்துறை தலைமை இயக்குநர் அட்னான் ஹுசைன் தெரிவித்தார்.

அவர்கள் அனைவரும் அலோர் காஜா மருத்துவமனைக்கு அனுப்பப்பட்டதாக அவர் கூறினார்.

தென் அமெரிக்க வகையான இந்த மீன்கள் ஒவ்வொன்றும் 200 கிலோ எடையும் தோராயமாக 2.7 மீட்டர் அளவும் கொண்டவை என்று அவர் குறிப்பிட்டார்.

மீன்களின் ஆக்ரோஷமான நடத்தை காரணமாக, ஏழு மணி நேரத்திற்கும் மேலாக நடந்த இந்தப் போராட்டத்தில் பல சிரமங்களைச் சந்தித்ததாக அட்னான் கூறினார்.

உள்ளூர் பல்லுயிர் பெருக்கத்தில் மீன்கள் ஏற்படுத்தும் தாக்கம் குறித்து பொதுமக்களின் கவலைகளுக்கு பதிலளிக்கும் வகையில் மலாக்கா மீன்வளத் துறையினர் அராபெய்மாவை கைப்பற்றியதாக அவர் கூறினார்.

மீன்களை அவற்றின் உரிமையாளர்கள் கைவிடப்பட்ட கட்டிடத்தின் கீழ் நீர்த்தேக்கத்தில் வைத்திருந்தனர், அங்கு உள்ளூர்வாசிகள் மற்றும் அருகிலுள்ள உணவகத்திற்கு பார்வையாளர்கள் உணவளித்தனர்.

இந்நிலையில், அராபெய்மாவை வைத்திருப்பது சட்டவிரோதமானது என்பதை உணர்ந்து உரிமையாளர்கள் தாமாக முன்வந்து சரணடைந்ததாக அவர் கூறினார்!