• Shan Siva
• 11 Oct, 2024

கோலாலம்பூர், அக் 11: பிரபல ஆன்லைன் பயணத் தளமான அகோடா நடத்திய ஆய்வின்படி, ஆசியாவிலேயே மிகவும் பிரபலமான உணவு சொர்க்கமாக மலேசியா ஐந்தாவது இடத்தைப் பிடித்துள்ளது.

அந்த ஆய்வின் படி ச49% சுற்றுலாப் பயணிகள் முதன்மையாக அதன் சமையல் மகிழ்ச்சிக்காக வந்ததாகக் கூறுகின்றனர்.

சிங்கப்பூரை தளமாகக் கொண்ட தளத்தின் கருத்துக் கணிப்பில் தென் கொரியா ஆசியாவின் சிறந்த உணவு இடமாகத் தெரியவந்துள்ளது, 64% பார்வையாளர்கள் உணவுப் பயணத்திற்கான முக்கியக் காரணத்தைக் குறிப்பிட்டுள்ளனர். அதைத் தொடர்ந்து தைவான் (62%), தாய்லாந்து (55%) மற்றும் ஜப்பான் (52) உள்ளன.

இது உணவு என்பது உயிர்வாழ்வதற்காக அல்லாமல், இலக்கை சுற்றிப்பார்க்கும் முழு கலாச்சார அனுபவத்தின் ஒரு பகுதியாகவும் இருப்பதையும் காட்டுகிறது என்று அகோடாவின் மலேசியா புருனே இயக்குனர் Fabian Teja தெரிவித்துள்ளார்.

சில சுற்றுலாப் பயணிகள் தங்கள் விமான டிக்கெட்டுகளைப் பெறுவதற்கு முன்பு வெளிநாட்டில் உள்ள உணவகங்களை முன்பதிவு செய்வதில் மிகவும் உற்சாகமாக உணர்கிறார்கள்.

சுற்றுலாப் பயணிகள் உள்ளூர் உணவு மற்றும் பாரம்பரியங்களை ரசிப்பதற்காக இடங்களைத் தேடுகிறார்கள் என்பதை தங்கள் கணக்கெடுப்புத் தரவு தெளிவாகக் காட்டுகிறது என்று அவர் தெரிவித்துள்ளார்.

இந்தோனேசியா, இந்தியா, ஜப்பான், கொரியா, மலேசியா மற்றும் சிங்கப்பூர் உள்ளிட்ட 10 நாடுகளைச் சேர்ந்த 4,000 க்கும் மேற்பட்டோர் பங்கேற்று ஆகஸ்ட் 1 மற்றும் 19 க்கு இடையில் நடத்தப்பட்ட இந்தக் கருத்துக்கணிப்பின் படி, சிங்கப்பூரில் இருந்து வரும் உணவுப் பிரியர்களுக்கு மலேசியா முதன்மையானது என்றும், மலேசிய சுற்றுலாப் பயணிகள் தங்கள் சமையல் அனுபவங்களுக்காக தாய்லாந்து, இந்தோனேசியா மற்றும் தைவான் போன்ற நாடுகளுக்கு அடிக்கடி வருகை தருவதாகவும் முடிவுகள் காட்டுகின்றன!