• Shan Siva
• 17 Aug, 2024

பெட்டாலிங் ஜெயா, ஆகஸ்ட்17: மாட்சிமை தங்கிய மாமன்னர் சுல்தான் இப்ராஹிம், இன்று அனைத்து இராணுவ உபகரணக் கொள்முதல் மற்றும் தேசிய பாதுகாப்புத் தேவைகளைப் பூர்த்தி செய்வதை உறுதி செய்யப் போவதாகக் கூறினார்.

இராணுவ உபகரணங்களை வாங்குவதிலும் வசதிகளை நிர்மாணிப்பதிலும் அரசாங்கம் ஒருமைப்பாட்டைக் கடைப்பிடிக்க வேண்டும் என்று மாமன்னர் கூறினார் தெரிவித்தார்.

சுங்கை பெர்டானா முகாமில் மலேசிய ஆயுதப்படை கேடட் அதிகாரிகளுக்கு அரச ஆணைய அணிவகுப்பு மற்றும் நற்சான்றிதழ்களை வழங்கும் நிகழ்ச்சியில், இதனை மாம நர் தெரிவித்தார்.

ஊழல் அல்லது அதிகார துஷ்பிரயோகத்தில் ஈடுபடும் அதிகாரிகளை பொறுத்துக் கொள்ள மாட்டோம் என்று ஆயுதப்படைகளின்  உயர்  தளபதியான சுல்தான் இப்ராகிம் எச்சரித்துள்ளார்.

இராணுவ அதிகாரிகளிடையே ஊழல் மற்றும் அதிகார துஷ்பிரயோகம் நாட்டின் இறையாண்மை மற்றும் கண்ணியத்தை பாதிக்கும் என்று அவர் குறிப்பிட்டார்.

ஒரு ராணுவ அதிகாரியாக பணியாற்றுவது நமது தேசத்தைப் பாதுகாப்பதில் ஒருமைப்பாடு, நம்பகத்தன்மை, தியாகம் மற்றும் அசைக்க முடியாத விசுவாசம் ஆகியவற்றைக் கோருகிறது, என்றார்.

பொதுமக்களின் நம்பிக்கை மற்றும் இராணுவத்தின் ஒட்டுமொத்த நற்பெயருக்கு சேதம் விளைவிப்பதைத் தவிர்ப்பதற்காக, இராணுவ அதிகாரிகள் எப்போதும் ஒழுக்கத்தையும் சரியான நடத்தையையும், குறிப்பாக சீருடையில் பராமரிக்க வேண்டும் என்று அவர் கூறினார்.

சுல்தான் இப்ராஹிம் புதிதாக நியமிக்கப்பட்ட கேடட் அதிகாரிகளுக்கு அவர்களின் பயிற்சி ஆரம்பம் தான், இன்னும் பல சவால்கள் மற்றும் படிப்புகள் உள்ளன என்பதை நினைவுபடுத்தினார்.

அதிகரித்து வரும் சவாலான உலகை எதிர்கொள்வதற்கும், சமீபத்திய பாதுகாப்புத் தொழில்நுட்பங்களுக்கு ஏற்ப உங்கள் பயிற்சி மற்றும் தொடர்ச்சியான கற்றல் ஆகியவற்றில் நீங்கள் உறுதியுடனும், நெகிழ்ச்சியுடனும் இருக்க வேண்டும் என்பதே எனது ஆலோசனை, என்றார்.

இராணுவ வாழ்க்கையின் கடுமையை எதிர்கொள்ள எவருக்கும் விருப்பமில்லையென்றால், அவர்கள் ஒதுங்கிக் கொள்ள வேண்டும் என்றும் நினைவூட்டினார்.

இன்றைய விழாவில், பல்வேறு ராணுவ அகாடமிகளில் பயிற்சி முடித்த 664 கேடட் அதிகாரிகள் பதவியேற்றனர்.  ஒட்டுமொத்த சிறந்த கேடட் அதிகாரியாக அஹ்மத் ஆரிப் இசுடின் ஜின் தேர்வு செய்யப்பட்டார்!