• Muthu Kumar
• 16 Oct, 2024

(கோகி கருணாநிதி)

ஜொகூர் பாரு, அக். 16-

வீடுகளை மறுசீரமைப்பு செய்யும் திட்டம் தொடர்பான தேர்வுக் குழுவின் கூட்டம் ஒன்று நேற்று முன்தினம் ஜொகூர் மாநில வீடமைப்பு மற்றும் உள்ளூராட்சி தொடர்பான குழுவின் உறுப்பினரும் புக்கிட் பெர்மாய் தொகுதி சட்டமன்ற உறுப்பினருமான டத்தோ முகமட் ஜாஃப்னி முகமட் ஷுகோர் தலைமையில் நடைபெற்றது.

இக்கூட்டம் ஜொகூர் பாரு, மூவார், குளுவாங், கூலாய் மற்றும் மெர்சிங் ஆகிய ஆறு மாவட்டங்களை உள்ளடக்கியது. இக்கூட்டத்தின் முதன்மை குறிக்கோள்,இந்த திட்டத்திற்கான நன்மை பெறுவோர்- உண்மையில் தகுதியானவர்களாக ,உதவி வேண்டுகிறவர்களாக இருக்கிறார்களா என உறுதி செய்வதாகும். ஜொகூர் மாநில வீட்டு முன்னேற்றக் கழகம் இதனை ஒருங்கிணைக்கின்றது மற்றும் மாவட்ட அலுவலகப் பிரதிநிதிகள் கலந்து கொண்டு உள்ளனர்.

இத்திட்டத்தின் செயல்திறனை உறுதிப்படுத்துவதற்காக உண்மையாகவே உதவி தேவையுடையவர்களுக்கு உதவுவதற்கான முக்கியமான தேர்வு செயல்முறை மேற்கொள்ளப்படுகிறது எனக் கூறினார். ஜொகூர் மந்திரி பெசார் டத்தோ ஓன் ஹஃபிஸ் காஸியின் பழுதுபார்க்கும் திட்டம் 2025 ஆம் ஆண்டில் நடைமுறைப்படுத்தப்பட உள்ளது. இதில் 112 வீடுகள் பழுதுபார்க்கப்படவுள்ளன.குறிப்பாக  நிதியுதவி பெறுபவர்களுக்கும், வறுமை கோட்டுக்குக் கீழ் உள்ளவர்களுக்கும் உதவுகிறது.மாநில அரசின் மக்கள் உதவி பற்றிய உறுதிமொழியை டத்தோ ஜஃப்னி உறுதிப்படுத்தினார்.

"மாநில அரசு, மக்களுக்கு சீரான வசதியான இடங்களைப் பெற உதவுவது பற்றி தொடர்ந்து முயற்சிக்கிறது, எனக் கூறினார். இது, அரசு, கடுமையான சூழ்நிலைகளில் உள்ளவர்களின் வாழ்க்கைத் தரத்தை மேம்படுத்துவதில் உறுதியாக உள்ளது என்றார்.

இந்த வீடு பழுதுபார்க்கும் திட்டம் தேவையில் உள்ளவர்களுக்கு உடனடி உதவி வழங்குவதற்கானதல்ல,மேலும், ஜொகூரில் உள்ள அனைத்து குடியினருக்கும் வாழ்வாதாரத்தை மேம்படுத்துவதற்கான அடிப்படையாக உள்ளது. இந்த திட்டம் நடைமுறைப்படுத்தலால், மாநில அரசு, அனைவருக்கும் நிம்மதியான மற்றும் செழுமையான சமூகத்தை உருவாக்குவதை உறுதி செய்கிறது எனக் குறிப்பிட்டார்.