• Shan Siva
• 30 Aug, 2024

புத்ராஜெயா, ஆகஸ்ட் 30: கடந்த வெள்ளிக்கிழமை கோலாலம்பூர் ஜாலான் மஸ்ஜித் இந்தியாவில் நில அமிழ்வில் மாயமான இந்திய மாதுவைத் தேடும் பணியில், டைவர்ஸ் நடவடிக்கையைத் தொடர்வது மிகவும் ஆபத்தானது என்று தீயணைப்பு மற்றும் மீட்புத் துறை தீர்மானித்துள்ளது.

வலுவான நிலத்தடி நீர் நீரோட்டங்கள், மீட்பவர்களுக்கு மட்டுப்படுத்தப்பட்ட இடம், மற்றும் தேடல் பகுதியில் குப்பைகள், கடினமான அடைப்புகள் இருப்பது உள்ளிட்ட பல ஆபத்து காரணிகள் இருப்பதாக தீயணைப்பு மற்றும் மீட்புத் துறை  தலைமை இயக்குநர் நோர் ஹிஷாம் முகமது தெரிவித்தார்.

இன்று முன்னதாக உள்ளே நுழைந்த இரண்டு டைவர்களிடமிருந்து பெறப்பட்ட  கருத்துகளுக்குப் பிறகு, பாதிக்கப்பட்டவரைத் தேடுவதற்கு தொடர்ந்து டைவிங் செய்வது மிகவும் ஆபத்தானது என்று தாம்  முடிவு செய்ததாக அவர் கூறினார்.

 கான்கிரீட் தொகுதிகள் போன்ற திடப்படுத்தப்பட்ட கொழுப்புகளை உடைப்பது மிகவும் கடினம் என்று கண்டறியப்பட்டதாக அவர் கூறினார்.

எட்டு பேர் வரை அவர்களை கயிறுகளால் இழுத்தாலும் கூட வெற்றிபெறவில்லை. உள்ளே நுழைவதற்கு இடமில்லை என்பதைக் கண்டறிந்தோம். இடம் மிகவும் குறுகலாக இருந்தது, மேலும் டைவர்ஸ் உள்ளே நுழைய தட்டையாக இருக்க வேண்டும் என்று அவர் குறிப்பிட்டார்.

அதே நேரத்தில், நீர் மட்டம் உயர்ந்தது, எனவே அதிக ஆபத்துகள் இருப்பதால் ஸ்கூபா குழுவை திரும்பப் பெற ஒப்புக்கொண்டோம் என்று அவர் கூறினார்.

கேமரா காட்சிகளின் அடிப்படையில், நீர் கொந்தளிப்பு வலுவாக இருந்ததால், உடலின் எந்த உருவமும் இல்லை என்பதை தாம் தெளிவுபடுத்த விரும்புவதாகவும் அவர் கூறினார்.