கொள்ளைக் கும்பலைச் சேர்ந்த ஆப்பிரிக்க பிரஜையை போலீஸார் சுட்டுக்கொன்றனர்!

Shan Siva
06 Sep, 2024

(இரா.கோபி)

பூச்சோங், செப் 6 : செர்டாங், பூச்சோங் ஜெயாவில் உள்ள அடுக்குமாடி குடியிருப்பில் நேற்று இரவு நடந்த துப்பாக்கிச் சூட்டின் போது, போலீஸாரால் தேடப்படும் கொள்ளைக் கும்பலைச் சேர்ந்தவர் என்று நம்பப்படும் ஆப்பிரிக்கர் ஒருவர் சுட்டுக் கொல்லப்பட்டார்.

சந்தேக நபரைக் கைது செய்ய மெனாரா KLH இல் உள்ள ஒன்பதாவது மாடிப் பிரிவை போலீஸார் சோதனை செய்தபோது இரவு 10:50 மணியளவில் இந்தச் சம்பவம் நடந்ததாக புக்கிட் அமான் குற்றப் புலனாய்வுத் துறையின் (சிஐடி) இயக்குநர் டத்தோஸ்ரீ முகமட் ஷுஹைலி முகமட் ஜைன் கூறினார்,

இச்சோதனை நடத்தப்பட்டபோது, சந்தேக நபர் தனியாக இருந்ததால் ஒத்துழைக்க மறுத்துவிட்டார். அதற்கு பதிலாக காவல்துறையை நோக்கி இரண்டு முறை துப்பாக்கிச் சூடு நடத்தினார், மேலும் காவல்துறையினரைத் திருப்பிச் சுடுமாறு கட்டாயப்படுத்தியதாக நேற்று இரவு சம்பவ இடத்தில் நடந்த செய்தியாளர் கூட்டத்தில் கூறினார்.

அடுக்குமாடி குடியிருப்பில் நடத்திய சோதனையின் போது, இரண்டு கத்திகள், ஒரு போலி உரிம அட்டை மற்றும் கள்ளப் பணம் அடங்கிய பை ஆகியவற்றைக் கண்டுபிடித்ததாகவும், அவற்றின் சரியான தொகை இன்னும் கண்டறியப்படவில்லை என்றும் அவர் கூறினார்.

ஐநா அகதிகளுக்கான அடையாள அட்டை ஒன்றும் கண்டுபிடிக்கப்பட்டது, அது போலியானது என்று நம்பப்படுகிறது.

சந்தேக நபரின் வயது, குடியுரிமை மற்றும் பிற தொடர்புடைய ஆவணங்கள் தொடர்பாக இன்னும் விசாரிக்கப்பட்டு வருவதாக என்று அவர் கூறினார்.

சந்தேக நபர் ஆப்பிரிக்க கொள்ளைக் கும்பலைச் சேர்ந்தவர் என்று நம்பப்படுகிறது.

இந்தக் கும்பல் தொடர்பாக மொத்தம், மூன்று ஆப்பிரிக்க ஆண்களைக் கைது செய்ததோடு, இந்தக் குற்றக் குழுவைச் சேர்ந்த இருவரை போலீஸார் சுட்டுக் கொன்றுள்ளனர்.

இதே கும்பல்தான் கடந்த ஆகஸ்ட் 25 அன்று தலைநகர் மிட் வேலியில் ஒரு ஜப்பானிய தொழிலதிபரிடம் 30,000 அமெரிக்கா டாலரை கொள்ளையடித்ததாக காவல் துறை தெரிவித்துள்ளது

Your email address will not be published. Required fields are marked *

முக்கிய செய்தி