• Shan Siva
• 15 May, 2024

சிலாங்கூர் மாநிலத்தில் பல மாவட்டங்களில் செயற்கை நுண்ணறிவு (AI) தொழில்நுட்பத்துடன் கூடிய சி.சி.டிவி கேமரா  பொருத்தும் நடவடிக்கையை காவல்துறையினர் மேற்கொள்ளவிருப்பதாகத் தெரிவிக்கப்பட்டுள்ளது.

இது கண்காணிப்பு மற்றும் அமலாக்க முயற்சிகளுக்காக மேற்கொள்ளப்படுவதாக சிலாங்கூர் காவல்துறைத் தலைவர் டத்தோ ஹுசைன் உமர் கான் கூறினார்.

சிசிடிவிகளின் விலை இப்போது மிகவும் மலிவானது, எனவே நல்ல விவரக்குறிப்புகளைக் கொண்ட கேமராக்களை தாங்கள் பயன்படுத்துவதாக அவர் கூறினார்.

முகங்கள் மற்றும் உரிமத் தகடுகளைத் தெளிவாக பெரிதாக்கிக் காட்டும் திறன் கொண்ட உயர்-வரையறை கேமராக்களை காவல்துறை விரும்புவதாக அவர் தெரிவித்தார்.

 இந்த கேமராக்கள் கண்காணிப்பு நோக்கங்களுக்காக மட்டும் பயன்படுத்தப்படும், ஆனால் பதிவு செய்யும் திறன் கொண்டதாக இருக்கும் என்றார்.

இந்த கேமராக்களை பெட்டாலிங் ஜெயா, ஷா ஆலம் மற்றும் கிள்ளான் ஆகிய இடங்களில் முதலில் பொருத்தவிருப்பதாக அவர் கூறினார்.

இந்த கேமராக்களை சாலை போக்குவரத்து திணைக்களம் மற்றும் உள்ளூராட்சி மன்றங்கள் போன்ற பிற நிறுவனங்களால் பயன்படுத்த அனுமதிப்பதும் தங்கள் திட்டமாகும்  என்று அவர் கூறினார்.

இவ்வகை கேமராக்கள் மற்ற ஏஜென்சிகளுக்கு அணுகக்கூடியதாக இருப்பது மட்டுமல்லாமல், அரசாங்கத்திற்கான செலவுகளையும் குறைக்கும் என்று அவர் தெரிவித்தார்!