• Shan Siva
• 22 Nov, 2024

புத்ராஜெயா, நவம்பர் 22: காசாவில் நடந்த போர்க் குற்றங்களுக்காக இஸ்ரேல் பிரதமர் பெஞ்சமின் நெதன்யாகு மற்றும் இஸ்ரேலின் முன்னாள் பாதுகாப்பு அமைச்சர் யோவ் கேலன்ட் ஆகியோருக்கு எதிராக கைது வாரண்ட் பிறப்பித்திருக்கும் சர்வதேச குற்றவியல் நீதிமன்றமான  (ஐசிசி)யின்  முடிவு பொருத்தமானது என்று பிரதமர் டத்தோஸ்ரீ அன்வார் இப்ராகிம் கூறினார்.

உண்மையில், உலக நீதித்துறை அமைப்பால் எடுக்கப்பட்ட முடிவு சட்டத்தின் அடிப்படையிலும், சியோனிச ஆட்சியால் நடந்து வரும் அநீதி, அடக்குமுறை மற்றும் கொலைகளுக்கான ஆதாரங்களின் அடிப்படையிலும் நியாயமானது என்று அன்வார் கூறினார்.

எனவே தாங்கள் இந்த முடிவை வரவேற்கிறோம் மற்றும் அவர்கள் மற்ற நாடுகளுக்குச் சென்றாலும் அவர்கள் கைது செய்யப்பட வேண்டும் என்று அன்வார் கூறினார்..

ஒரு வரலாற்று முடிவாக, வியாழனன்று காசா உட்பட பாலஸ்தீனப் பகுதிகளில் அவர்கள் செய்ததாகக் கூறப்படும் போர்க்குற்றங்களுக்காக நெதன்யாகு மற்றும் கேலன்ட் ஆகியோருக்கு எதிராக கைது வாரண்ட் பிறப்பிக்கப்பட்டுள்ளது.

காஸா மீதான இஸ்ரேலின் தொடர்ச்சியான இனப்படுகொலை தாக்குதல்களுக்கு மத்தியில் இந்த கைது வாரண்ட்கள் பிறப்பிக்கப்பட்டுள்ளன.

இதற்கிடையில், ஐசிசியின் கைது வாரண்ட் பாலஸ்தீனத்துக்கான நீதிக்காக போராடுபவர்களுக்கு கிடைத்த வெற்றி என்றும் பிரதமர் கூறினார்!