1005 முதலாளிகள் கைது! ஆவணமற்ற தொழிலாளிகளை வேலைக்கு அமர்த்தியதால் குடிநுழைவுத்துறை அதிரடி!

Shan Siva
05 Jul, 2025

கோலாலம்பூர்: ஜனவரி 1 முதல் ஜூலை 3 வரை ஆவணமற்ற புலம்பெயர்ந்தோரை வேலைக்கு அமர்த்தியதாகவோ அல்லது தங்க வைத்ததாகவோ 1,005 முதலாளிகளை குடிநுழைவுத் துறை கைது செய்துள்ளது.

உணவகங்கள், தொழிற்சாலைகள் மற்றும் சில்லறை விற்பனைக் கடைகள் உள்ளிட்ட பல்வேறு துறைகளைச் சேர்ந்த முதலாளிகள் கைது செய்யப்பட்டதாகவும், செல்லுபடியாகும் ஆவணங்கள் இல்லாமல் வெளிநாட்டுப் பிரஜைகளுக்கு அவர்கள் அடைக்கலம் கொடுத்ததாகவும் அதன் தலைமை இயக்குநர் ஜகாரியா ஷாபான் தெரிவித்தார்.

அதே காலகட்டத்தில், குடிநுழைவுத் துறை நாடு தழுவிய அளவில் 6,913 நடவடிக்கைகளை மேற்கொண்டதாகவும், 97,322 வெளிநாட்டினரை சோதித்ததில், சந்தேகத்திற்குரிய குடியேற்றக் குற்றங்களுக்காக 26,320 நபர்களைக் கைது செய்ததாகவும் ஜகாரியா கூறினார்.

ஆவணமற்ற புலம்பெயர்ந்தோர் மீது எந்த சமரசமும் இல்லாமல் அமலாக்கம் தொடர்ந்து தீவிரப்படுத்தப்படும் என்றும் அவர் கூறினார்.

நாடு முழுவதும் 200க்கும் மேற்பட்ட அடையாளம் காணப்பட்ட ஹாட்ஸ்பாட்களையும் இந்தத் துறை கண்காணித்து வருகிறது, இதில் தொலைதூர மற்றும் கிராமப்புறங்களும் அடங்கும் என்று அவர் கூறினார்!

Your email address will not be published. Required fields are marked *

முக்கிய செய்தி