• Muthu Kumar
• 07 May, 2024

மலேசியா உலக கோகோ சந்தையில்  பெரும் ஆற்றலைக் கொண்டுள்ளது, இது தற்போது ஒரு சில கோகோ உற்பத்தி செய்யும் நாடுகளைச் சார்ந்துள்ளது என்று  தோட்டம் மற்றும் மூலப்பொருள் அமைச்சர் ஜோஹாரி  கூறினார்.

மலேசியா உலகின் முக்கிய நாடாக கோகோ சந்தைகளில் வலம் வருகின்றது.  குறிப்பாக நாட்டின் ஏற்றுமதி வருவாயில் கோகோ தொழில்துறை RM 8.2 பில்லியன் வரை பங்களிக்கிறது. 2023 ஆம் ஆண்டில், மலேசியா 270 டன் கொக்கோ பீன்ஸ் உற்பத்தி செய்தது, அதே நேரத்தில் 533,000 டன் கோகோ பீன்ஸ் இறக்குமதி செய்தது," என்று அவர் கூறினார்.

மலேசிய கோகோ வாரியத்துடன் (எம்சிபி) அமைச்சும்  இணைந்து கோகோ தொழிலைப் புத்துயிர் பெற வைப்பதோடு,  வளப்படுத்தவும் உறுதிபூண்டுள்ளதாக ஜோஹாரி கூறினார்.
MCB ல் கிட்கேட் டார்க் போர்னியோ அறிமுகத்தின் போது, ​​“எங்கள் அணுகுமுறைகள் வருமானத்தை அதிகரிக்க செய்வது மட்டுமல்லாமல், சுற்றுச்சூழல் பாதுகாப்பையும் நம் சமூகங்களிடையே ஏற்படுத்துவதை உறுதிசெய்யும் என்று ஜோஹாரி கூறினார்.

சபா மற்றும் சரவாக்கில் இருந்து 100% பிரீமியம் கோகோ பீன்ஸ் பயன்படுத்தும் கிட்கேட் டார்க் போர்னியோ, பிரீமியம் சாக்லேட் தயாரிப்புகளின் உற்பத்தியை அதிகரிப்பதில் எம்சிபியின் வழிகாட்டுதலுக்கு இணங்க இருப்பதாக ஜோஹாரி கூறினார்.

நெஸ்லே போன்ற முன்னணி பிராண்டுகளுக்கு இது போன்ற தயாரிப்பு வெளியீடு ஒத்துழைப்பு ஒரு கவர்ச்சிகரமான சந்தைப்படுத்தும் தளம் என்றும், இந்த முயற்சியானது உள்ளூர் கோகோ பீன் உற்பத்தியாளர்களுக்கு நிலையான பயிர் நிர்வாகத்துடன் விவசாய உற்பத்திகளின் தனித்துவத்தை வெளிப்படுத்தும் வாய்ப்பை வழங்குவதாகவும் அவர் கூறினார்.

MCB - RM 9.5 மில்லியன் ஒதுக்கீட்டில் 350 ஹெக்டேர் புதிய கோகோ தோட்டத் திட்டத்தையும் 2,126 ஹெக்டேர் கோகோ தோட்ட மறுவாழ்வுத் திட்டத்தையும் செயல்படுத்தும் என்று ஜொஹாரி கூறினார்.

"இந்த முயற்சியானது பொருளாதார நடவடிக்கைகளைத்  தீவிரப்படுத்த உதவும்  என்று நான் நம்புகிறேன்.  ஐரோப்பாவில் உள்ள   காலநிலை மற்றும் வானிலை காரணமாக நமது நாட்டை கோகோ பீன்ஸ் வர்த்தகம் சார்ந்து இருக்கும்" என்று அவர் கூறினார்.

இதற்கிடையில், நெஸ்லே (மலேசியா) Bhd CEO 'Juan Aranols' கூறுகையில், KitKat Dark Borneo க்கான பீன்ஸ் கடந்த ஆண்டு செப்டம்பரில் தொடங்கப்பட்ட Nestle Borneo Cocoa Initiative (NBCI) மூலம் பெறப்படுகிறது.

NBCI என்பது நெஸ்லே மலேசியா மற்றும் MCB ஆகியவற்றுக்கு இடையேயான ஒரு மூலோபாய கூட்டாண்மை ஆகும், இது நிறுவனத்தின் ஃபார்மர் கனெக்ட் திட்டத்தை கிழக்கு மலேசியாவிற்கு விரிவுபடுத்துகிறது.

இது நெஸ்லே மலேசியாவின் சமீபத்திய விவசாய முயற்சியாகும், இது சிறந்த மற்றும் நிலையான விவசாய நடைமுறைகளை ஆதரிக்கிறது, நாட்டின் உணவு பாதுகாப்பு மற்றும் விவசாயிகளின் மேம்பட்ட வாழ்வாதாரத்திற்கு பங்களிக்கிறது என்பது குறிப்பிடத்தக்கது!