• Shan Siva
• 08 Oct, 2024

பெட்டாலிங் ஜெயா, அக் 8: மலேசியா 2028 ஆம் ஆண்டுக்குள் அதிக வருமானம் பெறும் நாடாக மாறும் என்று உலக வங்கி கணித்துள்ளதாக மலேசியாவிற்கான அதன் முன்னணி பொருளாதார நிபுணர் அபூர்வா சங்கி தெரிவித்தார்.

ரிங்கிட்டின் செயல்திறன் தற்போதைய நிலையில் இருந்தால், மலேசியா அதற்கு ஒரு வருடத்திற்கு முன்பே அதிக வருமானம் பெறும் நாடாக மாறக்கூடும் என்று அபூர்வா கூறினார்.

உலக வங்கியானது நாட்டின் மொத்த உள்நாட்டு உற்பத்தி வளர்ச்சியின் முன்னறிவிப்பை 4.3% இல் இருந்து 4.9% ஆக உயர்த்தியது.

அதிகரித்து வரும் அரசியல் ஸ்திரத்தன்மை மற்றும் சாதகமான கொள்கை சூழல் உள்ளிட்ட நேர்மறையான காரணிகள் இதற்குக் காரணம் என்று அவர் மேற்கோள் காட்டினார்.

மேலும், மேம்பட்ட உணர்வு, வெளிப்புற காரணிகள், வலுவான உள்நாட்டு தரவு மற்றும் பல அரசாங்க சீர்திருத்தங்கள் ரிங்கிட்டின் நிலையை உயர்த்தியுள்ளன என்றார்.

மலேசியாவின் தனிநபர் உற்பத்தி வளர்ச்சியானது, கோவிட்-19க்கு முந்தைய தொற்றுநோய் காலகட்ட  அளவை விட 12% அதிகமாக இருப்பதாகவும், தென்கிழக்கு ஆசியாவில் அதன் அண்டை நாடுகளை விட சிறப்பாக செயல்படுவதாகவும் அவர் சுட்டிக்காட்டினார்!