• Shan Siva
• 05 Jun, 2024

கப்பாளா பத்தாஸ், ஜூன் 5: ஆட்டிசம் நோயால் பாதிக்கப்பட்ட ஐந்து வயது சிறுமி ஒருவர் நேற்று பெர்த்தாமில் உள்ள தீம் பார்க்கில்,  நீரில் மூழ்கி இறந்து கிடந்தார்.

பிற்பகல் 3.30 மணியளவில் மற்ற குடும்ப உறுப்பினர்களுடன் விளையாடிக் கொண்டிருந்தபோது சிறுமி தனது பார்வையில் இருந்து காணாமல் போனதாக, அச்சிறுமியின் தாயார் கூறியதாக  செபராங் பெராய் உத்தாரா மாவட்டத்தின் பொறுப்பு காவல்துறைத் தலைவர் ACP Zulkeflee சுலைமான் தெரிவித்தார்.

கட்டுமானத்தில் இருந்த ஒரு குளத்தில் சிறிது நேரத்திற்குப் பிறகு சிறுமியின் சடலம் கண்டுபிடிக்கப்படுவதற்கு முன்பு, அந்தப் பெண் தனது மகளைக் கண்டுபிடிக்க தீம் பார்க் ஊழியர்களை விரைவாக அழைத்ததாக அவர் தெரிவித்தார்.

பாதிக்கப்பட்ட பெண்ணின் உடல் பிரேதப் பரிசோதனைக்காக கப்பாளா பத்தாஸ் மருத்துவமனைக்கு எடுத்துச் செல்லப்பட்டதாக அவர் கூறினார்!