• Shan Siva
• 27 Aug, 2024

குவா மூசாங், ஆகஸ்ட் 27: சமீபத்தில் நெங்கிரி சட்டமன்ற இடைத்தேர்தலின் போது கிளந்தானில் நடந்த பிரச்சாரத்தில்,  தேசத்துரோக கருத்துக்களை தெரிவித்த குற்றச்சாட்டில் முன்னாள் பிரதமர் டான்ஸ்ரீ முகைதீன் யாசின் இன்று குவா மூசாங் செஷன்ஸ் நீதிமன்றத்தில் தாம் குற்றமற்றவர் என்று ஒப்புக்கொண்டார்.தே

77 வயதான முகைதீன், நீதிபதி நிக் முகமட் டார்மிசி நிக் முகமட் ஷுக்ரி முன் ஆஜரானார்.

குற்றச்சாட்டின்படி, பெரிகாத்தான் தலைவரான முகைதீன், கடந்த ஆகஸ்ட் 14 ஆம் தேதி இரவு 10.30 மணி முதல் 11.50 மணி வரை Dewan Semai Bakti Felda Perasu க்கு அருகிலுள்ள ஒரு திறந்தவெளியில் தேசத்துரோகக் கருத்துக்களைக் கூறியதாகக் கூறப்படுகிறது.

15வது பொதுத் தேர்தலுக்குப் பிறகு 222 நாடாளுமன்ற உறுப்பினர்களில் 115 பேரின் ஆதரவைப் பெற்ற போதிலும், 15வது பொதுத் தேர்தலுக்குப் பிறகு பிரதமராகப் பதவியேற்க முன்னாள் மாமன்னர் அவர்களால் அழைக்கப்படவில்லை என்று அவர் கூறியதாக முகைதீன் மீது குற்றச்சாட்டு கூறப்பட்டுள்ளது.

தேசத் துரோகச் சட்டம் 1948 இன் பிரிவு 4(1)(b) இன் கீழ் இந்தக் குற்றச்சாட்டு பதிவு செய்யப்பட்டது. இது RM5,000க்கு மிகாமல் அபராதம் அல்லது மூன்று ஆண்டுகள் வரை சிறைத்தண்டனை அல்லது குற்றம் நிரூபிக்கப்பட்டால் இரண்டும் விதிக்கப்படும்.

இந்நிலையில் ஒரு நபர் உத்தரவாதத்துடன் முகைதீனுக்கு RM5,000 ஜாமீன் வழங்கப்பட்டது. மேலும், நீதிமன்றம் நவம்பர் 4 ஆம் தேதியை அடுத்த செவிமடுப்பு தேதியாகக் குறிப்பிட்டுள்ளது.

வழக்கு விசாரணையை டத்தோ உமர் சைபுடின் ஜாபர் தலைமையிலான ஆறு துணை அரசு வழக்கறிஞர்கள் நடத்தினார்கள். முகைதின் சார்பில் அமர் ஹம்சா அர்ஷாத், சேதன் ஜெத்வானி, டத்தோஸ்ரீ தகியுதீன் ஹாசன், முகமட் நசீர் அப்துல்லா மற்றும் மரியானா மாட் குடின் ஆகிய ஐந்து வழக்கறிஞர்கள் ஆஜராகினர்!