• Shan Siva
• 29 May, 2024

தேசியப் பதிவுத் துறை (JPN) 2022 முதல் நேற்று வரை மொத்தம் 27,280 தாமதமான பிறப்புச் சான்றிதழ் பதிவு விண்ணப்பங்களைப் பதிவு செய்துள்ளதாக அதன்  தலைமை இயக்குநர்   பத்ருல் ஹிஷாம் அலியாஸ்  தெரிவித்தார்.

 கடந்த ஆண்டு மொத்தம் 12,398 தாமதமான பிறப்புச் சான்றிதழ் பதிவு விண்ணப்பங்கள் பதிவு செய்யப்பட்டுள்ளன. இது 2022 இல் 12,206 பதிவுகளுடன் ஒப்பிடும்போது 192 பதிவுகள் அதிகரித்துள்ளதாக அவர் கூறினார்.

பிறப்பு பதிவை தாமதப்படுத்தும் காரணிகளில் வறுமை, குடும்ப பிரச்சனைகள் போன்றவை அடங்கும் என்று அவர் குறிப்பிட்டார்.

அதன்படி, இன்னும் பிறப்பைப் பதிவு செய்யாத தனிநபர்கள் இன்னும் இருக்கிறார்கள் என்று தெரிந்தால், NRD-க்கு தகவல்களை அனுப்ப உள்ளூர் தலைவர்கள், அரசு சாரா நிறுவனங்கள், ஊடகங்கள் மற்றும் ஒட்டுமொத்த சமூகம் உட்பட அனைத்து தரப்பினரின் ஒத்துழைப்பையும் தாம் வரவேற்பதாக பத்ருல் ஹிஷாம் தெரிவித்தார்.

முன்னதாக Mekar நிகழ்ச்சியில், பத்ருல் ஹிஷாம் இரண்டு உடன்பிறப்புகளான 7 வயது அனிஸ் சுஹாதா சுஹேரி மற்றும் அவரது ஒரு வயது சகோதரர் ரைஸ் ரய்யான் ஆகியோருக்கு பிறப்புச் சான்றிதழ்களை வழங்கினார்!