• Shan Siva
• 02 Sep, 2024

பெட்டாலிங் ஜெயா, செப்டம்பர் 2: ஹைட்ராலிக் அமைப்பில் ஏற்பட்ட தொழில்நுட்பக் கோளாறு காரணமாக, புறப்பட்ட சிறிது நேரத்திலேயே, சியோலுக்குச் செல்லும் விமானம் இன்று அதிகாலை கோலாலம்பூருக்கு முன்னெச்சரிக்கையாகத் திரும்பியதை மலேசியன் ஏர்லைன்ஸ் இன்று மாலை உறுதிப்படுத்தியது.

MH66 விமானம் இன்று உள்ளூர் நேரப்படி அதிகாலை 1.30 மணிக்கு KLIA இல் பாதுகாப்பாக தரையிறங்கியதாக தேசிய விமான நிறுவனம் தெரிவித்துள்ளது.

எங்கள் பயணிகள் மற்றும் பணியாளர்களின் பாதுகாப்பு மற்றும் நல்வாழ்வு எங்கள் மிக உயர்ந்த முன்னுரிமையாக உள்ளது என்று அந்நிறுவனம் குறிப்பிட்டுள்ளது.

முன்னதாக இன்று காலை, MH66 இரவு 11.30 மணிக்கு புறப்படும் என்று எதிர்பார்க்கப்பட்டதாகவும் ஆனால் நள்ளிரவு 12.01 மணிக்கு தான் புறப்பட்டதாகவும் தெரிவிக்கப்பட்டது.

Flightradar24 இன் படி, விமானம் கோலாலம்பூருக்கு திருப்பி விடப்பட்டது. இதையடுத்து, தென் கொரியாவின் சியோலில் இருந்து கோலாலம்பூருக்குச் செல்லும் MH67 விமானத்தை மலேசியன் ஏர்லைன்ஸ் இன்று ரத்து செய்தது.

MH66 மற்றும் MH67 ஆகிய விமானங்களில் இருந்த அனைத்து பயணிகளுக்கும் தங்குமிட வசதிகள் வழங்கப்பட்டதாகவும், முந்தையது உள்ளூர் நேரப்படி இரவு 8 மணிக்கு கோலாலம்பூரில் இருந்து புறப்படுவதற்கு மாற்றியமைக்கப்பட்டுள்ளதாகவும்  தெரிவிக்கப்பட்டுள்ளது!