• Shan Siva
• 13 Oct, 2024

கோலாலம்பூர், அக் 13: சரக்கு மற்றும் சேவை வரியான ஜிஎஸ்டி-யை மீண்டும் அறிமுகப்படுத்துவது குறித்து அரசாங்கம் பரிசீலிக்கும் முன், மலேசியர்களின் வருமானத்தை அதிகரிக்க வேண்டும் என்று பிரதமர் டத்தோஸ்ரீ அன்வார் இப்ராகிம் வலியுறுத்தியுள்ளார்.

மலேசியாவின் அசோசியேட்டட் சைனீஸ் சேம்பர்ஸ் ஆஃப் காமர்ஸ் அண்ட் இன்டஸ்ட்ரி அமைப்பின் ஆண்டுப் பொதுக் கூட்டத்தில் இன்று பேசிய அன்வார் இதனைத் தெரிவித்தார்.

ஜிஎஸ்டி மிகவும் வெளிப்படையான மற்றும் திறமையான வரி அமைப்பு என்பதை நீண்ட காலமாக அங்கீகரித்து வருவதாகவும் அவர் குறிப்பிட்டார்.

2015ஆம் ஆண்டு அப்போதைய பிரதமர் நஜிப் ரசாக் ஆட்சியில் ஜிஎஸ்டி 6 சதவீதமாக அறிமுகப்படுத்தப்பட்டது.  இது மூன்று ஆண்டுகளுக்குப் பிறகு முன்னாள் பக்காத்தான் ஹராப்பான் அரசாங்கத்தால் அகற்றப்பட்டு, அதே விகிதத்தில் SST உடன் மாற்றப்பட்டது.

ஜிஎஸ்டி திறமையானதா?   வெளிப்படையானதா?   அரசுக்கு அதிக வருவாய் கிடைக்குமா?  என்றால் கிடைக்கும்தான்.  ஆனால், யாரிடம் வரி விதிக்கிறீர்கள்?  அனைவரும்  பணக்காரர்களா?   இல்லை ஏழைகளும் இருக்கிறார்கள். அப்படியென்றால் அதை இப்போதைக்கு அறிமுகப்படுத்துவது சாத்தியமில்லை. அதை நான் செய்ய மாட்டேன் என அன்வார் தெரிவித்தார்.

மக்களின் குறைந்த பட்ச  வருமானத்தின் அளவு  RM3,000 அல்லது RM4,000 ஆக உயர்த்தப்படுவது  உறுதிசெய்யும் பட்சத்தில் இந்தக் கொள்கையை நாம் படிப்படியாக அறிமுகம் செய்யலாம் என்று அன்வார் கூறினார்.

ஜிஎஸ்டியை அமல்படுத்திய நாடுகள் முதலில் தங்கள் வருமானத்தை உயர்த்தின.  தான் இந்த சிக்கலைப் புரிந்துகொண்டு பல ஆண்டுகளாக அதைப் படித்ததாக அன்வார் கூறினார்

முதல்முறையாக நிதியமைச்சராக இருந்தபோது (1990களில்), வருவாய் சேகரிப்பில் மிகவும் திறமையான மற்றும் வெளிப்படையான அமைப்பு என்று நான் அழைத்தேன்.

ஆனால், பொருளாதாரத்தை வலுப்படுத்தவும், மக்கள் தங்கள் அரசியல் பதவிகளை ஊழல் நோக்கங்களுக்காக பயன்படுத்துவதை நிறுத்தவும் ப் நேரம் தேவை என்றும் தான் கூறியதாக அன்வார் தெரிவித்தார்.

மலேசியாவில் தற்போது குறைந்தபட்ச ஊதியம் RM1,500 ஆக உள்ளது.

கடந்த ஆண்டு 2024 பட்ஜெட்டை தாக்கல் செய்யும் போது, ​​உணவு, பானங்கள் மற்றும் தொலைத்தொடர்பு ஆகியவற்றுக்கு எஸ்எஸ்டி விகிதம் 8% ஆக உயர்த்தப்படும் என்று அன்வார் அறிவித்தார்.

SST அமைப்பின் கீழ், புத்ராஜெயா 2020 இல் RM26.7 பில்லியனாகவும், 2021 இல் RM27.9 பில்லியனாகவும் மதிப்பிடப்பட்டுள்ளது.

ஜி.எஸ்.டியுடன் ஒப்பிடுகையில், 2017 இல் ஜிஎஸ்டியில் இருந்து அரசாங்கம் RM44 பில்லியன் வசூலித்துள்ளது!