• Muthu Kumar
• 19 Oct, 2024

கோலாலம்பூர், அக்டோ 19:

இன்று காலை 8 மணி நிலவரப்படி, வெள்ளத்தால் பாதிக்கப்பட்ட ஐந்து மாநிலங்களில் உள்ள 27 நிவாரண மையங்களில் மொத்தம் 3,781 வெள்ளத்தால் பாதிக்கப்பட்டவர்கள் இன்னும் தங்கவைக்கப்பட்டுள்ளனர்.பேராக்கில், கெரியன், ஹிலிர் பேராக், கம்பார், பேராக் தெங்கா மற்றும் கோலா கங்சார் மாவட்டங்களில் 1,619 பேர் 12 மையங்களில் உள்ளனர்.

இதற்கிடையில், பெர்லிஸில் வெள்ளத்தால் பாதிக்கப்பட்டவர்களின் எண்ணிக்கை நேற்று இரவு 47 பேரில் இருந்து இன்று காலை 469 பேராக அதிகரித்துள்ளது. இதேபோன்ற நிலை கெடாவில் மூன்று மையங்களில் 298 பேருடன் பதிவு செய்யப்பட்டது.சிலாங்கூரில், வெள்ளத்தால் பாதிக்கப்பட்டவர்களின் எண்ணிக்கை நேற்று இரவு 117 ஆக இருந்து இன்று காலை 136 ஆக அதிகரித்துள்ளது. அதே சமயம், பகாங்கில், நேற்றிரவு 1,418 ஆக இருந்த நிலையில், இன்று காலை 1,259 நிலைமை சீராகி வருகிறது.

ஐந்து ஆறுகள் ஆபத்தான நீர்மட்டத்தை பதிவு செய்துள்ளதாகவும், அவற்றில் மூன்று சரவாக்கிலும் மற்ற இரண்டு சிலாங்கூரிலும் உள்ளதாகவும் தெரிவிக்கப்பட்டுள்ளது.
மேலும், பெர்லிஸ், கோலாலம்பூர் மற்றும் கெடாவில் உள்ள லங்காவி, குபாங் பாசு மற்றும் கோத்தா ஸ்டார் செஉள்ளிட்ட பல பகுதிகளில் இடியுடன் கூடிய மழை, பலத்த காற்று வீசக்கூடும் என்று மணிக்கு வானிலை ஆய்வு மையமான மெட்மலேசியா எச்சரித்துள்ளது.

இதேபோன்ற வானிலை சிலாங்கூரில் கோலா சிலாங்கூர், உலு சிலாங்கூர், கிள்ளான், கோம்பாக் மற்றும் பெட்டாலிங்கிலும்,  நெகிரி செம்பிலான் (ரெம்பாவ்) மற்றும் சரவாக் (சுபிஸ், பேலுரு, மிரியிலும் காணப்படும் என்று முன்னறிவிக்கப்பட்டுள்ளது!