• Shan Siva
• 11 Nov, 2024

பெட்டாலிங் ஜெயா, நவம்பர் 11: டி.ஏ.பி கட்சியின் சிலாங்கூர் மாநிலத் தேர்தலில் கோபிந்த் சிங் தியோவின் தோல்வி, கட்சியின் "போர் பிரபுக்களுடன்" அவரது "இணையாமை" காரணமாக இருக்கலாம் என்று டிஏபியின் முன்னாள் தலைவர் பேராசிரியர் ராமசாமி கருத்து தெரிவித்துள்ளார்.

 2021-2024 வரை சிலாங்கூர் டிஏபி தலைவராகப் பணியாற்றிய கோபிந்த், கட்சியின் மாநிலக் குழுவில் 15 இடங்களில் ஒன்றைப் பெறத் தவறி 675 வாக்குகளைப் பெற்று 16வது இடத்தைப் பிடித்தார்.

இதேபோல்தான் பினாங்கு டிஏபி உறுப்பினர்கள் "மாநிலத்தில் கட்சியின் முன்னாள் தலைவர் லிம் குவான் எங் செல்வாக்கைக் குறைக்க விரும்பினர். ஆனால் தற்போது பினாங்கு தலைவராகியிருக்கும் ஸ்டீவன் சிம் அத்தகையவர்களுடன் இணைந்ததால், பதவி பெற்றார்.

கோபிந்தின் வெளியேற்றத்திற்கு இதேபோன்ற ஒரு விஷயம் நடந்திருக்கலாம் என்று தாம் எண்ணுவதாக  பேராசிரியர் ராமசாமி கூறினார்.

டிஏபிக்குள் பிளவு அரசியல் இருப்பதாகவும், அது கட்சியின் தேர்தல்கள் மற்றும் நியமனங்களில் தாக்கத்தை ஏற்படுத்துவதாகவும் ராமசாமி குறிப்பிட்டார்.

ஒவ்வொரு கோஷ்டியின் இறுதி நோக்கம் அதன் வெற்றியை உறுதி செய்வதே என்று அவர் கூறினார்.

டிஏபி முக்கியமாக சீன சமூகத்திற்கான ஒரு கட்சி என்றும் ராமசாமி வாதிட்டார். மேலும் சீனர்கள் அல்லாத வேட்பாளர்களுக்கான அணுகலை சக்திவாய்ந்த "போர் பிரபுக்கள்" கட்டுப்படுத்துகிறார்கள். இது திறமை இருந்தபோதிலும் அவர்களின் உயர்வைக் கட்டுப்படுத்துகிறது.

சார்லஸ் சந்தியாகோ போன்ற சீனரல்லாத தலைவர்களின் இழப்பு இதற்கு ஆதாரமாக அவர் சுட்டிக்காட்டினார்.

உயர்-திறமை கொண்ட சீனரல்லாத தலைவர்களுக்கு கட்சியில் எந்தப் பங்கும் இல்லை என்று அவர் சுட்டிக்காட்டினார்.

கோபிந்த் சிங் மாநிலக் குழுவில் அங்கம் வகிக்க முடியாத அளவுக்கு அவர் முழுமையாகத் தோற்கடிக்கப்பட்டுள்ளார் என்று அவர் குறிப்பிட்டார்!