• Muthu Kumar
• 16 Nov, 2024

கோகி கருணாநிதி

கூலாய், நவ.16-

கூலாய் நகராட்சிக் கழகம் மலேசிய வேலை அனுமதி அட்டை இல்லாமல் வெளிநாட்டுத் தொழிலாளர்கள் மூலம் இயக்கப்படும் வணிகத் தலங்களை சோதனை செய்தது. 11 வணிகத் தலங்களுக்கு மூடும் அறிவிப்புகள் வழங்கப்பட்டு, அவை உடனடியாக மூடப்பட வேண்டும் என்று உத்தரவிடப்பட்டுள்ளது, ஏனெனில் அவை உரிய அங்கீகாரம் இன்றி வெளிநாட்டவர்களால் இயக்கப்படுகின்றன. என்பதை கூலாய் நகராட்சிக் கழகம் தெரிவித்தது.

மேலும் 14 உத்தியோகபூர்வ அழைப்புக் கடிதங்கள் வணிக நிறுவன உரிமையாளர்களுக்கு அனுப்பப்பட்டுள்ளன. அவர்கள் வணிகத்தை நடத்த தனிப்பட்ட ஆவணங்களை வழங்க வேண்டும் என அறிவிக்கப்பட்டுள்ளது. மேலும், நடைபாதை விதிமுறைகளை பின்பற்றாததற்காக 9 நோட்டீசுகளும் பிறப்பிக்கப்பட்டுள்ளன.இந்த நடவடிக்கைகள் தொடர்ந்து நடைபெறும்.

வணிக உரிமையாளர்கள் உரிய உரிமம் இல்லாமல் வணிகத்தை நடத்தவேண்டாம் என்றும், வெளிநாட்டவர்களை சட்டப்படி உரிய அனுமதி இல்லாமல் வேலைக்கு எடுக்கவேண்டாம் என்றும் எச்சரிக்கை விடுக்கப்படுகிறது. உரிமம் பெற்ற உரிமையாளர்கள் அவர்கள் பெற்ற உரிமத்தை பிறருக்கு, குறிப்பாக வெளிநாட்டவர்களுக்கு ஒப்படைப்பது தவறாகும். குற்றம் சாட்டப்பட்டால், உரிமையாளர்களுக்கு ரிம. 2,000 அபராதம் விதிக்கப்படலாம் அல்லது 2 ஆண்டுகள் சிறைத்தண்டனை அல்லது இரண்டும் ஒரே நேரத்தில் விதிக்கப்படலாம் என்று 2019 ஆம் ஆண்டின் வணிக, தொழில்கள் மற்றும் வணிக உரிமம் சட்டப்படி தீர்மானிக்கப்பட்டுள்ளது.

பொது மக்கள் வணிக உரிமம் தவறாக பயன்படுத்துவதை பற்றிய புகார்கள் மேற்கொள்வதற்கு, முழுமையான தகவல்கள் மற்றும் ஆதாரங்களுடன்  mpku@ johor.gov.my என்ற முகவரியில் தாக்கல் செய்யலாம்.

இதனிடையே, ஜொகூர் மாநில வீடமைப்பு மற்றும் உள்ளூராட்சி அமைச்சரான டத்தோ முகமட் ஜஃப்னி முகமட் ஷீகோர், ஜொகூரின் அனைத்து 16 உள்ளூராட்சி அதிகாரிகளுக்கும் பரிசோதனை செய்யும் பணியை மேற்கொண்டு, உரிய நடவடிக்கைகளை எடுக்க உத்தரவிட்டுள்ளார்.