• Shan Siva
• 09 Mar, 2025

கோத்தா பாரு, மார்ச் 9: தாய்லாந்தின் சுங்கை கோலோக்கில் நேற்று நடந்த குண்டுவெடிப்பில் ஐந்து பேர் கொல்லப்பட்டதைத் தொடர்ந்து, அங்கு செல்ல விரும்பினால், கிளந்தான் மக்கள் எச்சரிக்கையாக இருக்கவும், பாதுகாப்புப் படையினரின் அறிவுறுத்தல்களைப் பின்பற்றவும் மாநில அரசு அறிவுறுத்தியுள்ளது.

இதுபோன்ற வருகைகள் ஆபத்தானதாக இருக்கலாம் என்று கிளந்தான் துணை மந்திரி புசார் ஃபட்ஸ்லி ஹசன் தெரிவித்தார்.

ஒவ்வொரு ரமழானிலும் ஏராளமான கிளந்தான் மக்கள் உணவு வாங்கவோ அல்லது குடும்பத்தினர் மற்றும் நண்பர்களுடன் நோன்பு திறக்கவோ சுங்கை கோலோக்கிற்குச் செல்வது வழக்கம்.

எனவே., இந்தமுறை மக்கள் தங்கள் பாதுகாப்பை மனதில் கொண்டு எல்லையைத் தாண்டிச் செல்வதா இல்லையா என்பதை முடிவு செய்வதில் எச்சரிக்கையாக இருக்க வேண்டும் என்றும் அவர் கூறினார்.

வருகைகளை ஒத்திவைக்கவும், வெளியுறவு அமைச்சு கேட்டுக்கொண்டுள்ளது. தெற்கு தாய்லாந்தில் உள்ள பட்டானி, யாலா மற்றும் நாரதிவாத் மாகாணங்களுக்கு அத்தியாவசியமற்ற வருகைகளை ஒத்திவைக்குமாறும் வெளியுறவு அமைச்சகம் மலேசியர்களை வலியுறுத்தியுள்ளது.

 தற்போது இந்த மாகாணங்களில் உள்ள மலேசியர்கள் சோங்க்லாவில் உள்ள மலேசிய துணைத் தூதரகத்தில் தங்கள் இருப்பைப் பதிவு செய்ய அறிவுறுத்தப்பட்டுள்ளனர்.

சனிக்கிழமை மாலையில் நடந்த குண்டுவெடிப்பு மற்றும் துப்பாக்கிச் சூடு சம்பவங்களைத் தொடர்ந்து, தெற்கு தாய்லாந்தில் மக்களின் பாதுகாப்பை உறுதி செய்ய பாதுகாப்பு நிறுவனங்கள் தங்களால் முடிந்த அனைத்தையும் செய்யும் என்று தாய்லாந்தின் பாதுகாப்பு அமைச்சகம் உறுதியளித்துள்ளது.

Kerajaan Kelantan menasihatkan rakyat agar berhati-hati jika ingin ke Sungai Kolok, Thailand, susulan letupan bom yang mengorbankan lima nyawa. Kementerian Luar menggesa rakyat Malaysia menangguhkan lawatan ke wilayah selatan Thailand demi keselamatan, sementara pihak berkuasa tempatan meningkatkan kawalan keselamatan.