• Shan Siva
• 28 Mar, 2025

கோலாலம்பூர், மார்ச் 28: பாதிக்கப்பட்ட சக முஸ்லிம்களின் கடந்த கால அஜாக்கிரதைகள் குறித்து தற்போது பேச வேண்டிய அவசியமில்லை என்று, தற்போது புற்றுநோயால் பாதிக்கப்பட்டுள்ள அம்னோவின் ஜமால் யூனோஸ், முன்னாள் பிரதமர் மகாதீரிடம் மன்னிப்பு கேட்க வேண்டும் என்ற கோரிக்கைகளுக்கு பதிலளிக்கும் விதமாக மகாதீர் இவ்வாறு தெரிவித்துள்ளார்.

ஜமால் மீண்டு வர முஸ்லிம்கள் பிரார்த்தனை செய்ய வேண்டும் என்று தமது எக்ஸ் பதிவில் மகாதீர் குறிப்பிட்டுள்ளார்.

தாம் ஏதாவது தவறு செய்திருந்தால் ஜமாலிடம் மன்னிப்பு கேட்க இந்த வாய்ப்பைப் பயன்படுத்த விரும்புவதாக மகாதீர் தெரிவித்துள்ளார்.

1MDB ஊழல் தொடர்பாக அம்னோவை எதிர்த்ததற்காக தமக்கு எதிராக ஜமால் கூறிய கருத்துக்களுக்கு, ஜமால் மன்னிப்பு கேட்க வேண்டும் என்று அழைப்பு விடுத்து, பகிரப்படும் கருத்துகளைப் படித்ததாக மகாதீர் கூறினார்.

நுரையீரல் புற்றுநோயால் அவதிப்படும் ஜமாலின் உடல் நிலை மிகவும் மோசமடைந்துள்ள நிலையில் இருப்பதாகத் தெரிவிக்கப்பட்டுள்ளது.

ஜமாலுக்கு அம்பாங்கில் உள்ள ஒரு தனியார் மருத்துவமனையில் சிகிச்சை அளிக்கப்பட்டு வருகிறது. அங்கு அவர் சனிக்கிழமை முதல் மருத்துவமனையில் அனுமதிக்கப்பட்டுள்ளார்.

மகாதீரும் ஜமாலும் ஒரு காலத்தில் கடுமையான அரசியல் எதிரிகளாக இருந்தனர், நஜிப் ரசாக் பிரதமராக இருந்த காலத்தில் இருவருக்கும் இடையிலான சண்டை உச்சத்தை எட்டின.

ஜமால் அம்னோவின் தீவிர ஆதரவாளராகவும், 2018 பொதுத் தேர்தலுக்கு முன்பு மகாதீர் கட்சியை விட்டு வெளியேறி பெர்சாத்துவை உருவாக்கிய பிறகு அவரை வெளிப்படையாக விமர்சிப்பவராகவும் இருந்தார்.

அம்னோ ஆதரவு ‘ரெட் ஷர்ட்ஸ்’ இயக்கத்தின் ஒரு பகுதியாக, ஜமால் மகாதீர் மற்றும் அவரது கூட்டாளிகளுக்கு எதிராக தெருப் போராட்டங்களை ஏற்பாடு செய்தார் என்பது குறிப்பிடத்தக்கது!

Tun Dr. Mahathir Mohamad menyatakan tiada keperluan membangkitkan kesilapan lalu dan mendoakan kesembuhan Jamal Yunos yang menghidap kanser paru-paru. Tun Dr. Mahathir juga sedia meminta maaf jika pernah bersalah, sementara Jamal menerima rawatan di hospital swasta di Ampang.