• Muthu Kumar
• 18 May, 2024

அதிகரித்து வரும் வாழ்க்கைச் செலவுகள் மற்றும் ரிங்கிட் மதிப்பு குறைந்த நிலையில் காணப்பட்டாலும், நுகர்வோர் செலவு, தொழில்நுட்பம் மற்றும்  சுற்றுலாத் துறையின் வருவாய் அதிகரிப்பு போன்றவற்றால் மலேசியாவின் பொருளாதாரம், அடிப்படையில் வலுவாக உள்ளது.

இந்த நேர்மறையான குறியீட்டின் படி, 2024 இல் நாட்டின் பொருளாதாரம் பாராட்டத்தக்க விதமாக 5% ஆக வளர்ந்து,  வரும் ஆண்டுகளில் மிக வேகமாக வளரும் என்ற நம்பிக்கையை ஏற்படுத்தியுள்ளது.

2024 ஆம் ஆண்டின் முதல் காலாண்டில் (Q1 2024) மலேசியா 4.2% வளர்ச்சியைப் பதிவு செய்த பிறகு நம்பிக்கை அதிகரித்தது.  இது உயர்ந்து வரும் செலவுகள் மற்றும் பலவீனமான பணவீக்கம் பற்றிய பரவலான கவலைகள் இருந்தபோதிலும் வலுவான பொருளாதார செயல்திறனைக் குறிக்கிறது.

பேங்க் நெகாரா மலேசியா (BNM) இந்த ஆண்டு பொருளாதாரம் 4% முதல் 5% வரை வளரும் என்று அறிவித்துள்ளது.  இது வலுவான Q1 2024 வளர்ச்சியால் ஊக்குவிக்கப்பட்டது.

அதைத் தொடர்ந்து, Bank Muamalat Malaysia Bhd தலைமைப் பொருளாதார நிபுணர் அப்ஸானிசம் அப்துல் ரஷித், இந்த ஆண்டு பொருளாதார வளர்ச்சி 5% ஐ நெருங்கலாம் என்று நம்பிக்கை தெரிவித்தார். 2024 ஆம் ஆண்டின் பிற்பகுதியில் பொருளாதாரம் ஆரோக்கியமான நிலையில் வளர முடியும் என்று அவர் கூறினார். மேலும்  பொருளாதார வளர்ச்சிக்கு EPF இன்  கணக்கு வைத்திருப்பவர்கள் தங்கள் நிதியில் 10% வரை எடுக்க அனுமதிக்கிறது என்றும்  அவர் ஓர் அறிக்கையில் கூறினார்.

EPF திரும்பப் பெறுவது 2024 ஆம் ஆண்டின் இரண்டாம் பாதியில் செலவின சக்தியை அதிகரிக்கும் என்றார் அவர்!