• Shan Siva
• 12 Feb, 2025

புத்ராஜெயா, பிப் 12: பிரதமர் டத்தோஸ்ரீ அன்வார் இப்ராஹிம், பாலஸ்தீனப் பிரச்சினையில் மலேசியாவின் உறுதியான நிலைப்பாட்டை மீண்டும் உறுதிப்படுத்தியுள்ளார்.

இஸ்ரேலின் நடவடிக்கைகளை "காலனித்துவத் திட்டம்" என்று கண்டித்தும், ஆக்கிரமிப்பு நீடிக்கும் வரை பேச்சுவார்த்தைகளின் நியாயத்தன்மையை கேள்விக்குள்ளாக்கியுள்ளதாகவும் அவர் சுட்டிக்காட்டினார்

துருக்கிய ஜனாதிபதி ரெசெப் தையிப் எர்டோகனுடன் ஒரு கூட்டு செய்தியாளர் கூட்டத்தில் பேசிய அன்வர், மலேசியா பாலஸ்தீனத்தை ஆதரிக்கும் முயற்சிகளைத் தொடரும் என்றதோடு, மோதலின் மூல காரணத்தை நிவர்த்தி செய்யத் தவறும் மேலோட்டமான இராஜதந்திர சூழ்ச்சிகளுக்கு எதிராகவும் அவர்  எச்சரித்தார்.

பாலஸ்தீனப் பிரதேசங்களை இஸ்ரேல் ஆக்கிரமித்து வைத்திருக்கும் வரை பேச்சுவார்த்தைகள் பயனற்றதாகவே இருக்கும் என்று சுட்டிக்காட்டி, சர்வதேச சமூகம் தீர்க்கமான நடவடிக்கை எடுக்கத் தயங்குவதை அவர் விமர்சித்தார்.

பாலஸ்தீனியர்களின் திட்டமிட்ட வெளியேற்றத்தையும் அன்வார் எடுத்துரைத்தார், இந்தப் பிரச்சினை அரசியலுக்கு அப்பால் அடிப்படை உரிமை உரிமை வரை நீண்டுள்ளது என்பதை வலியுறுத்தினார்.

இந்தப் பிரச்சினை அரசியல் மட்டுமல்ல... நிலம், வீடுகள் மற்றும் சொத்து பற்றியது. இங்கு இரண்டு முக்கிய பிரச்சினைகள் உள்ளன. ஒன்று உடனடி மனிதாபிமான உதவி. ஆனால் இந்தப் பிரச்சினைக்கு நீண்டகால, நியாயமான தீர்வை நோக்கி நாம் பாடுபட வேண்டும் என்று அவர் மேலும் கூறினார்.

மலேசியா, பாலஸ்தீனத்தின் உரிமைகளுக்காக குரல் கொடுத்து வருகிறது, மேலும் நெருக்கடியைத் தீர்க்க துருக்கி மற்றும் பிற சர்வதேச கூட்டாளிகளுடன் தொடர்ந்து பணியாற்றி வருகிறது என்று அவர் கூறினார்!