• Shan Siva
• 17 May, 2024

ஜொகூர்,  உலு திராம் காவல் நிலையத்தில் இன்று அதிகாலை நிகழ்த்தப்பட்ட துப்பாக்கிச்சூடு தாக்குதலில் கொல்லப்பட்ட இரண்டு காவலர்களும் இரண்டு ஆண்டுகளுக்கு முன்புதான் படையில் சேர்ந்ததாகத் தெரிவிக்கப்பட்டுள்ளது.

கான்ஸ்டபிள்கள் அஹ்மத் அஸ்ஸா ஃபஹ்மி அசார் மற்றும் சயாபிக் அகமது சைட் ஆகியோர் உலு திராம் நிலையத்தின் குற்றத் தடுப்பு ரோந்துப் பிரிவில் பணியாற்றியதாக காவல்துறை தெரிவித்துள்ளது.

 இந்நிலையில்,  தேசிய போலீஸ் படைத் தலைவர் டான்ஸ்ரீ ரஸாருடீன் ஹுசைன் மற்றும் துணைத் தலைவர் அயோப் கான் மைடின் பிச்சை உட்பட  மற்ற படை வீரர்கள் இறந்தவர்களின்  குடும்பத்தினருக்குத் தங்கள் இரங்கலைத் தெரிவித்துள்ளனர்.

அவர்களின் ஆன்மாக்கள் கருணையுடன் ஆசீர்வதிக்கப்படட்டும் மற்றும் நீதிமான்கள் மத்தியில் வைக்கப்படட்டும் என்று முகநூல் பதிவில் போலீஸ் படை தெரிவித்துள்ளது.

இன்று அதிகாலை 2.45 மணியளவில், முகமூடி அணிந்த சந்தேக நபர் ஒருவர் துப்பாக்கி மற்றும் பராங்குகளுடன் காவல் நிலையத்தை தாக்கியதாக கூறப்படுகிறது. அவர் இரண்டு போலீஸ்காரர்களைக் கொன்றார்,

பின்னர் இறந்த சந்தேக நபரிடம் இருந்து வால்டர் பி99 துப்பாக்கி மற்றும் எச்கே எம்பி5 ரக துப்பாக்கியை போலீசார் மீட்டனர்.

சந்தேக நபர் 30 வயதுடையவர் என்றும் தென்கிழக்கு ஆசிய தீவிரவாதக் குழுவான ஜெமா இஸ்லாமியாவைச் சேர்ந்தவர் என்றும் டான்ஸ்ரீ ரஸாருதீன் கூறினார். தாக்குதல் தொடர்பான விசாரணைக்கு உதவுவதற்காக 19 மற்றும் 52 வயதுடைய அவரது குடும்ப உறுப்பினர்கள் 5 பேர் கைது செய்யப்பட்டுள்ளனர்.

இன்றைய தாக்குதலைத் தொடர்ந்து தற்போது ஜோகூரில் உள்ள 20க்கும் மேற்பட்ட ஜெமா இஸ்லாமியா உறுப்பினர்களை போலீசார் அடையாளம் கண்டுள்ளதாகவும் ரஸாருதீன் கூறினார்.

2002 பாலியில் 200 பேர் கொல்லப்பட்ட வெடிகுண்டுத் தாக்குதல்களுக்குப் பின்னணியில் ஜெமா இஸ்லாமியா இருந்ததாகச் சொல்லபப்டுகிறது. 2009 ஆம் ஆண்டு ஜகார்த்தாவில் உள்ள மேரியட் மற்றும் ரிட்ஸ்-கார்ல்டன் ஹோட்டல்களைக் குறிவைத்து அதிக குண்டுவெடிப்புகள் நிகழ்த்தப்பட்டுள்ளன.

அதன் உறுப்பினர்கள் 1990 களில் ஆப்கானிஸ்தானில் இராணுவப் பயிற்சி பெற்றதாகக் கூறப்படுகிறது.  மேலும்  அல்-கொய்தாவுடன் தொடர்புகளைக் கொண்டிருந்ததாகவும் கூறப்படுகிறது.

இதற்கிடையில், அரசாங்க செய்தித் தொடர்பாளர் Fahmi Fadzil அஸ்ஸா மற்றும் சயாபிக் ஆகியோரின் குடும்பங்களுக்கு தனது இரங்கலைத் தெரிவித்தார், அதே நேரத்தில் சம்பவம் குறித்து ஊகங்கள் வேண்டாம் என அவர் பொதுமக்களை வலியுறுத்தினார்!