• Shan Siva
• 26 Mar, 2025

புத்ராஜெயா, மார்ச் 26: ஹரி ராயா ஐடில்ஃபித்ரியின் முதல் நாளில் அனைத்து மொபைல் பயனர்களும் குறைந்தபட்சம் 5 ஜிபி இலவச டேட்டாவைப் பெறுவார்கள் என்று அரசாங்கம் அறிவித்துள்ளது.

ப்ரீபெய்டு மற்றும் போஸ்ட்பெய்டு பயனர்கள் இருவருக்கும் பொருந்தக்கூடிய இலவச டேட்டா சலுகை, பங்கேற்கும் தொலைத்தொடர்பு வழங்குநர்களின் விதிமுறைகள் மற்றும் நிபந்தனைகளுக்கு உட்பட்டு, குறைந்தது 24 மணிநேரங்களுக்குக் கிடைக்கும் என்று அரசாங்க செய்தித் தொடர்பாளர் ஃபஹ்மி ஃபட்ஸில் கூறினார்.

இவற்றில் செல்காம்டிஜி, மேக்சிஸ், யு மொபைல் உள்ளிட்ட 10 நிறுவனங்கள் இச்சேவையை வழங்கும் என்று அவர் தெரிவித்தார்.

தொலைத்தொடர்பு சேவை வழங்குநர்களுடன் தகவல் தொடர்பு அமைச்சகத்தின் இந்த முயற்சி, மக்களின் நல்வாழ்வுக்கு முன்னுரிமை அளிப்பதில் மடானி அரசாங்கத்தின் உறுதிப்பாட்டை பிரதிபலிக்கிறது.

ஹரி ராயா ஐடில்ஃபித்ரி கொண்டாட்டங்களின் போது ஆன்லைன் தொடர்பு மூலம் உறவுகளை வலுப்படுத்தவும் இது முயல்கிறது என்று அவர் இன்று அமைச்சரவைக் கூட்டத்திற்குப் பிறகு ஒரு செய்தியாளர் கூட்டத்தில் கூறினார்.

இலவச டேட்டா சுமார் 45 மில்லியன் கணக்குகளுக்கு பயனளிக்கும் என்று ஃபஹ்மி கூறினார்!

Kerajaan mengumumkan bahawa semua pengguna mudah alih akan menerima sekurang-kurangnya 5GB data percuma pada hari pertama Hari Raya Aidilfitri. Tawaran ini sah selama sekurang-kurangnya 24 jam dan melibatkan 10 penyedia telekomunikasi, memberi manfaat kepada sekitar 45 juta akaun.