மலபார் கோல்டு அண்ட் டைமண்ட்ஸின் முதன்மை நிறுவனமான மலபார் குழுமம், சமூக வலைதளங்களில் பரவி வரும் அவதூறுப் பதிவைச் சுற்றி தொடுத்த அவதூறு வழக்குக்கு மும்பை உயர் நீதிமன்றம் இடைக்கால உத்தரவு பிறப்பித்துள்ளது. உலகளாவிய நகை விற்பனையாளர் மீது குறிவைத்து தாக்குதலைத் தூண்டுவதற்காக சமூக ஊடகக் கைப்பிடியில் ஈடுபட்ட சில தரப்பினருக்கு எதிராக வழக்கு பதிவு செய்யப்பட்டது. இந்நிறுவனம் அதன் சமூக நல முயற்சிகளில் ஒரு குறிப்பிட்ட சமூகத்திற்கு ஆதரவாக இருப்பதாகவும், மலபார் கோல்டு அண்ட் டைமண்ட்ஸ்  நிறுவனத்திற்கு எதிரான புறக்கணிப்பு இயக்கத்திற்கு அழைப்பு விடுத்ததாகவும் குற்றம் சாட்டப்பட்டது. 

மலபார் குழுமம், 77,000க்கும் மேற்பட்ட மாணவிகளுக்கு கல்வி உதவித்தொகை வழங்குவது உட்பட விரிவான சமூக நல நடவடிக்கைகளை மேற்கொண்டு வருகிறது. இத்தகைய உன்னதமான முயற்சிகளுக்கு 256 கோடி ரூபாய்க்கு மேல் செலவழித்த பிறகும், குற்றவாளிகள் கர்நாடகாவில் உள்ள ஒரு பள்ளியிலிருந்து எடுக்கப்பட்ட புகைப்படத்தை தவறாகப் பயன்படுத்தி நிறுவனத்தை மோசமாகக் காட்டியுள்ளனர். 

மலபார் கோல்டு அண்ட் டைமண்ட்ஸ், இந்தச் சமூக ஊடகப் பதிவு, நிறுவனத்தின் நற்பெயருரைச் சீர்குலைக்க முடியாத வகையில் சேதம் விளைவிப்பதாகக் கூறி, பொய்ப் பிரச்சாரத்திற்குத் தடை விதிக்கக் கோரி மும்பை உயர் நீதிமன்றத்தில் இடைக்கால மனு தாக்கல் செய்தது. அவதூறான பதிவு சமூக ஊடக நிறுவனங்களால் உடனடியாக நீக்கப்பட்டது.

 மே 9ஆம் தேதி நடைபெற்ற அவசர விசாரணையில், நீதிபதி பாரதி டாங்ரே மலபார் கோல்டு அண்ட் டைமண்ட்ஸ் சார்பாக, குற்றம் சாட்டப்பட்டவர்களுக்கு எதிராக இடைக்கால உத்தரவைப் பிறப்பித்தார். இடைக்கால உத்தரவில், மலபார் கோல்டு அண்ட் டைமண்ட்ஸின் ஆதரவான குற்றச்சாட்டுகள் எப்படி ஆதாரமற்றவை என்றும், நிறுவனத்தின் நற்பெயருக்கு களங்கம் ஏற்படுத்தும் ஒரு திட்டமிட்ட முயற்சி என்றும் நீதிபதி விளக்கினார். 

நீதிபதி பாரதி டாங்ரேவும் உத்தரவில் பல்வேறு இடங்களில், மலபார் கோல்டு அண்ட் டைமண்ட்ஸ்  அதன் அனைத்துப் பகுதிகளிலும் செயல்படுத்தி வரும் சமூக நல முயற்சிகளைப் பாராட்டினார். குற்றம் சாட்டப்பட்டவர்களால் உருவாக்கப்பட்ட போலிக் கதைகள் வேண்டுமென்றே எல்லா நன்மைகளையும் கெடுக்கும் முயற்சி என்று கூறினார். 

அவதூறுகள் பரப்பப்பட்ட மூன்று முக்கிய சமூக ஊடக தளங்களான முகநூல், டுவிட்டர், படவரி மூலம் அது பகிரப்பட்ட இணைப்புகளை அகற்றுமாறு உத்தரவிட்டது. 

முன்பை உயர் நீதிமன்றத்தின் தீர்ப்பு, தங்கள் சொந்த நலன்களுக்காக நமது உன்னதமான செயல்களைத் தவறாக சித்திரிக்க நினைக்கும் தீங்கிழைக்கும் கட்சிகளுக்கு எதிரான வலுவான அறிக்கை என்று மலபார் குழுமத்தின் தலைவர் அகமது கருத்து தெரிவித்துள்ளார். எங்களின் நற்பெயருக்குக் களங்கம் ஏற்படுத்தும் இதுபோன்ற முயற்சிகளை நாங்கள் தொடர்ந்து கடுமையாக எதிர்த்துப் போராடுவோம் என்றார்.