• Shan Siva
• 28 Apr, 2025

கோலாலம்பூர், ஏப்ரல் 28: முன்னாள் பிரதமர் டாக்டர் மகாதிர் முகமது, அமெரிக்கா விதித்த பரந்த அளவிலான வரிகள் அதன் வர்த்தக கூட்டாளிகளை விட அமெரிக்க பொருளாதாரத்தையே பாதிக்கும் என்று மீண்டும் கோடி காட்டியுள்ளார்.

சுமார் 60 நாடுகள் மீதான 10% முதல் 49% வரையிலான வரிகள், அமெரிக்காவில் பொருட்களின் விலை உயர்வைத் தூண்டும், இதனால் மக்களின் வாழ்க்கைச் செலவீனம் அதிகரிக்கும் என்று அவர் FMT உடனான ஒரு நேர்காணலில் கூறினார்.

அமெரிக்காவில் உள்ள அனைத்து பொருட்களும் விலை உயரும். பின்னர் அவர்களின் தொழிலாளர்கள் அதிக ஊதியத்தைக் கோருவார்கள். அவர்கள் போட்டித்தன்மையற்றவர்களாக மாறுவார்கள் என்று அவர் கூறினார்.

அமெரிக்கா உலகளாவிய விநியோகச் சங்கிலியை பெரிதும் நம்பியிருப்பதாகவும், குறிப்பாக கொரியா, தைவான் மற்றும் மலேசியா போன்ற நாடுகளின் மைக்ரோசிப்களுக்கு; கட்டணங்கள் உற்பத்திச் செலவுகளை உயர்த்தி, அமெரிக்கப் பொருட்களை அதிக விலைக்கு மாற்றும் என்றும் அவர் கூறினார்.

மலேசியா போன்ற நாடுகள் அமெரிக்கத் தயாரிப்பு போயிங் விமானங்களை வாங்குவதை விட்டுவிட்டு ஐரோப்பியத் தயாரிப்பு ஏர்பஸ் ஜெட் விமானங்களுக்கு எளிதாக மாறக்கூடும் என்று அவர் கூறினார்.

உதாரணமாக, 30 போயிங் விமானங்களை வாங்குவதற்குப் பதிலாக, நாம் 30 ஏர்பஸ்களை வாங்கினால் அவர்களுக்கு இழப்புதான்.  ஒவ்வொரு போயிங் விமானத்திற்கும் கிட்டத்தட்ட அரை பில்லியன் ரிங்கிட் செலவாகும். அதைத்தான் அமெரிக்கா இழக்கும் என்று அவர் கூறினார்.

கடந்த வாரம், அடுத்த மூன்று மாதங்களில் அமெரிக்கா தனது கட்டணக் கொள்கையை இடைநிறுத்தும் என்று மகாதிர் எதிர்பார்ப்பதாகக் கூறியிருந்தார்.

மேலும், அமெரிக்காவில் பலர் தங்கள் நாட்டை "உலகம்" என்று கருதுகிறார்கள் என்றும் மற்ற நாடுகளைப் பற்றி பெரும்பாலும் அறியாதவர்கள் என்றும் மகாதீர் கூறினார்.

அமெரிக்க அதிபருக்குக்கூட உலகின் பிற பகுதிகளைப் பற்றி எதுவும் தெரியாது. அதனால்தான் அவர் மற்ற நாடுகளுடன் சண்டையிடுகிறார்," என்று அவர் மேலும் கூறினார்!

Tun Dr. Mahathir Mohamad menyatakan tarif tinggi AS lebih memudaratkan ekonominya sendiri berbanding rakan dagang. Harga barang dan kos sara hidup akan meningkat. Beliau juga mencadangkan Malaysia beralih membeli Airbus berbanding Boeing sebagai tindak balas.